گەنجیگ لە زیندان تاجی لەژیر شکەنجە گیانی لەدەسدەێد
شەفەق نیوز/ وەگورەی میدیایل راگەیانن، لەزوان بنەماڵەی گەنجیگ لە تەمەن بیس وپەنج ساڵان، لەناو زیندان تاجی، لەوەر شکەنجەداین گیانی لەدەسدا، وداوای وازکردن لێکۆڵینەوە لەلایەنەیل حکومەتی کریا.
ئەو گەنجە وەناو "حەبیب" کابرایگ لەبان دیوارەو چیەسە ناو ماڵەگەی، وژنەگەی هاوار کردیە، و حەبیب ئەو کابرا لەناو ماڵەگەی کوشتیە، و بویەسە تاوان شەرەف، و فەرمان پەنج ساڵ زیندانی لەبان حەبیب دەرچگە، ئیجا بردنەسەی زیندان تاجی، باوجی وەکوشیاگ لەناوی دەرچگ.
وەگورەی قسەی خوەشک حەبیب، کەفتیەسە وەر بەدترین شیوەیل شکەنجە، جویر تەزیان کارەبا و دەسوەشانن لە شوینەیلیگ ناسک لە لەشی، و چەوسان چەن شوینیگ، دویای رێککەفتن ناوبەین بنەماڵەی ئەو کابرا ک حەبیب کوشتیەسەی، وەگەرد کەسەیلیگ لەناو زیندانەگە.
بنەماڵەی حەبیب وتن: بڕوانامەی مردنەگە لە خشتەی هووکارەیل مردنی هویچیگ نەنویسیاگە، وکەسەیلیگ باس ئەوە کەن ک وە ژەهر کوشیاگە، وئویشن: ئەو زەخمەیلە ک لەلەش حەبیب بویە وەئاشکرایی نشان شکەنجەداینی دەن.
