گەنجیگ لە باکوور بەغداد باوگ خوەی کوشێد
2021-11-02T10:58:55+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا ک گەنجیگ لە باکوور بەغداد پایتەخت، لەوەر گرفتەیلیگ خیزانی، باوگ خوەی کوشت.
سەرچەوەگە ئەرا ئاژانس شەفەق نیوز وت: گەنجیگ لە ناوچەی شێخ حەمەد لە قەزای تارمیە، وە دەوانچە تەقە لە باوگ خوەی کرد، وەکوتپڕ کوشتەی.
سەرچەوەگە دیاری کرد ک هێزیگ ئەمنی رەسیە شۊین رووداوەگە و لێکۆلینەوە واز کرد، و تەرمەگە هەڵگریا و کوڕ قوربانیەگە دەسگیر کریا.
سەرچەوەگە وتیش؛ لێکۆلینەوە سەرەتایەیلە ئاشکرا کردن ک تاوانەگە لەوەر ناکوکیەیل خیزانی بۊیە.
