ئەنبار.. پەیاکردن ماشینەیلیگ داعش لە پەلامار بان بانزینخانەیگ لە روتبە دزیەسەیان
![ئەنبار.. پەیاکردن ماشینەیلیگ داعش لە پەلامار بان بانزینخانەیگ لە روتبە دزیەسەیان](https://media.shafaq.com/media/arcella/1649504983521.jpeg)
شەفەق نیوز/ عماد دلێمی قایمقام قەزای روتبە لە پارێزگای ئەنبار، ئمڕوو شەممە، راگەیان دەسکردن وە ئۆپراسیۆنیگ ئەرا وەشۊنکەفتن ئەندامەیل داعش دۊای پەلاماریان لەبان بەنزینخانەیگ دۊکە.
دلێمی ئەرا ئاژانس شەفەق نیوز وت: لە یەکەم ساعەتەیل شەوەکی ئمڕوو، دەسکریا ئۆپراسیۆنیگ ئەمنی ئەرا وەشۊنکەفتن ئەندامەیل داعش، دۊای پەلاماریان لەبان بەنزینخانەیگ.
وتیش: هیزەگە توەنست ئەو سێ ماشینە پەیا بکەێد ک ئەندامەیل داعش دزینەسەیان، باوجی وەسزیای پەیایان کردن، بیجگە یەکیگیان ئەوەیش پەکی کەفتیە، و ئیسە خوازن دووپات بکەن ئەگەر بومب لەناوی نەنریاگە.
وتیش: هیمان چارەنووس ئەو کەس رفیایە نادیارە، و هیزە ئەمنییەیلە وەردەوامەن لە مینەکردنی، و وەشۊنکەفتن داعش لە ناوچەیل دەورگرد قەزاگە.
دۊکە جمعە، سەرچەوەیگ ئەمنی ئەرا ئاژانس شەفەق نیوز وت: ئەندامەیلیگ لە ریخریاگ داعش پەلامار بانزینخانەی هاووڵاتییگ دان، و ئیجا ئاگری دان، و کەسیگ لەناوی رفانن.