ناوخوه‌يى ئاشكراى رێ وشوون تازه‌يگ كرد ئه‌را هاوردنه‌وه‌ى ئاواره‌يل موسڵ
شه‌فه‌ق نيوز/ ياسين ياسرى وه‌زير ناوخوه‌يى عراقى له نويسينگه‌ى خوه‌ى پيشوازى له فيليبا كانله‌ر جيگر كۆمسيۆن نه‌ته‌وه‌يل يه‌كگرتگ ئه‌را كاروبار په‌نابه‌ره‌يل له عراق و شانده ياوه‌ره‌گه‌ێ كرد.
ياسرى له‌و ديداره ئاماده‌گى خوه‌ى نيشاندا له‌وه‌ر پيشكه‌شكردن پشتگيرى و هاوكارى هاوبه‌ش له‌وه‌ر خاتر هاتنه‌وه‌ى ئاواره‌يل ئه‌را شوون و ناوچه‌يل خوه‌يان و باس له ميكانيزم په‌يڕه‌وكرياێ كرد له پرووسه‌ى هاوردنه‌وه‌ى خيزانه‌يل ئاواره له عراق و يه‌يش ده‌رخست ك وه‌زارته‌گه گام گه‌ورايگ له مه‌سه‌له‌ى هاوردنه‌وه‌ى زوورم ئاواره‌يل ئه‌را ناوچه‌يليان.
وه‌زيرى ناوخوه‌يى جه‌ختيش له هاوكارى وه‌زاره‌ته‌گه له‌بوار دقه‌تكردن دوسيه‌ى ئه‌منى ئاواره‌يل و دوينستنه‌وه‌ى چاره‌سه‌ر گونجياێ ئه‌را ئه‌و هاووڵاتيه‌يله ك به‌ڵگه‌ى فه‌رمى نه‌يرن و ئاشكراى ده‌ركردن فه‌رمان كرد ئه‌را وازكردن شماره‌يگ نويسينگه له شار موسڵ له‌وه‌ر ده‌ركردن كارت نيشتمانى و پاسه‌پۆرت گه‌شتكردن.
