ناوخوەی عراق: گشت ئەو کەسەیلە دەسداشتن لە تاوانەگەی بەغداد جەدیدە و مرێدی دەسگیرکریان
2024-02-26T07:26:05+00:00
شەفەق نیوز/ وەزارەت ناوخوەی عراق، ئمڕوو دووشەممە، دووپاتکرد گشت ئەو کەسەیلە دەسداشتن لەو دوو رویداوەیلە لە ناوچەی بەغداد جەدیدە و مرێدی رویدا لە خوەرهەڵات بەغدا دەسگیرکریان.
قسەکەر وەزارەت ناوخوەی و شانەی راگەیانن ئەمنی عەمید موقداد میری لە بەیانیگ رووژنامەوانی رەسیە ئاژانس شەفەق نیوز وت، گشت ئەنجامدەرەیل رویداوەگەی شار سەدر و بەغداد جەدیدە هانە دەس دادگا.
دووپاتکرد، ناوخوەی گشت ئەو کەسەیلە کە دەسداشتنە لە رویداوەگەی شار سەدر دەسگیرکردیە و هەمیش رویداوەگەی بەغداد جەدیدە کە لەماوەی دوو رووژ وارین رویدان، دیاریکرد رێکارەل یاسایی پێویست ئەرا گشتیان گیرێد.
