ناوخوەی عراق راگەیان لەماوەی 5 مانگ 14 هەزار سکاڵای تونوتیژی خێزانی توومارکریاس

لە کۆنگرەیگ رووژنامەوانی کە قسەکەر فەرمی وەزارەتەگە و شانەی راگەیانن ئەمنی عەمید موقداد میری ئەنجامیدان وەگەرد وەڕێوەبەرایەتی پاراستن خێزان و مناڵ لە تونوتیژی خێزانی، لیوا عەدنان حەمود لە یانەی وەخت وەسەربردن وەزارەت ناوخوەی پایتەخت بەغداد.

عەمید میری لە کۆنگرەگە راگەیان، "لە ماوەی مانگ کانوون دویەم تا سەرەتای مانگ ئایار 2024 زیاتر لە 13 هەزار و 857 سکاڵای تونوتیژی خێزانی توومارکریا" وتیش " ئیە تەنیا توومارکردن داواکارییەگانە، کە بڕیگیان راسن،بەشیگی زەرەد رەسین، بەش سێیەم گەرەنتیە و بەش کۆتایی رێکارەیلە."

ئاشکەرایکرد "نزیکەی 14 هەزار سکاڵا توومارکریاس لەماوەی 5 مانگ لەبان گشتیان تونوتیژی جەستەیی بوی" وتیش " 3 هەزار و 101 سکاڵا وە گەرەنتی دەرکریانە، هەمیش هەسمان وەپای بڕگە یاساگان سزا دریانە کە 100 سزادریاگە لەدویای شەرمەزارکردنیان وە تونوتیژی خێزانی، و 1196 کەسیان ئازادکریان، ئاشتبوین و رازیبوین 4400 و ئەوانەگ هانەژیر کارکدن 1500 و شمارەی سەرانیکردن 3550 کەس".

..