ناوخوەی عراق بازرگانەیلیگ مادەی هووشبەر دەسگیرکەن بڕیگ فرە وەپیان بویە لە خوەرئاوا و باشوور وڵاتەگە
2024-02-22T07:14:35+00:00
شەفەق نیوز/ وەزارەت ناوخوەی عراق، ئمڕوو پەنجشەممە، دەسگیرکردن بازرگانەیلیگ مادەی هووشبەر اگەیان کە بڕیگ گەپ وەپیان بویە لە ئەنبار خوەرئاوای وڵاتەگە و لە بەسڕە باشوور.
قسەکەر وەزارەت ناوخوەی و شانەی راگەیانن ئەمنی عەمید موقداد میری لە بەیانیگ رووژنامەوانی رەسیە ئاژانس شەفەق نیوز وت؛ وەڕێوەبەرایەتی گشتی کاروبار مادەیل هووشبەر و کاریگەری دەروینیەگان دەسدانان وەبان 9 کیلوگرام مادەی هووشبەر هیرۆئین، و 28 کیلوگرام مادەی کپتاگۆن و و شمارەیگ توومەتبار لە قەزای روتبە و ژارێزگایئەنبار دەسگیرکریانە.
وتیش، وەڕێوەبەرایەتی گشتی کاروبار مادەی هووشبەر و کاریگەری دەروینیەگان دەسنانە وەبان 15 کیلو مادەی کریستال و 3 توومەتبار دەسگیرکریانە لە ناویانیش بازرگانیگ ناودەوڵەتی بیانی هەس لە پارێزگای بەسڕە.
