١٣ ناوچەی عراق کەفنە گەرمترین ناوچەیل جەهان.. شاریگ کورد هاناویان
شەفەق نیوز/ ١٣ ناوچە لە عراق، ئمڕوو چوارشەممە، بەرزترین پلەیل گەرمی لە ماوەی ٢٤ ساعەت گوزەشتە لە جەهان توومار کردن، و یەکیگ لە شارەیل کوردنشین کەفتە وەردەمیان.
ویستگەی بلاسيرفيل لە کالیفۆرنیای ئەمریکا، خشتەیگ وە ١٥ ناوچە و شار جەهانی، لە ماوەی ٢٤ سەعات گوزەشتە بەرزترین پلەی گەرمی لە جەهان توومار کردنە.
خشتەگە دیاری کرد ک شار خانەقین بەرزترین پلەی گەرمی لە جەهان توومار کرد، وە ٤٨ پلەی سیلیزی، ئیجا شار کووت لە پارێزگای واست، لە پلەی دویەم هات وە ٤٧،٦ پلەی سیلیزی، ئیجا شار ناسریە لە پارێزگای زیقار کەفتە پلەی سێیەم وە ٤٧،٦ پلەی سیلیزی، و شار سەماوە لە پارێزگای موسەنا وە ٤٧ سیلیزی کەفتە پلەی چوارەم، و شار دیوانیە کەفتە پلەی پەنجەم وە ٤٧،٣ سیلیزی.
وەگورەی خشتەگە، ناوچەی بەدرە لە واست وە ٤٧،٢ سیلیزی کەفتە پلەی شەشەم، و ناوچەی جەهرا لە کوەیت لە پلەی هەفتەم وە ٤٧،٢ سیلیزی، ئیجا شار عمارە لە میسان وە ٤٧ پلەی سیلیزی، ئیجا شار عەزیزیە لە واست وە ٤٧ پلەی سیلیزی، و شار بەسرەتولحوسەین وە ٤٧ پلەی سەدی لە پلەی دەیەم هات، ئیجا پارێزگای کەربەلا وە ٤٧ پلەی سیلیزی، ئیجا شار کووت وە پلەی ١٢ هەم هات وە ٤٧ پلەی سیلیزی، وناوچەی فڕۆکەخانەی ناودەوڵەتی بەسرە وە ٤٦،٨ پلەی سیلیزی، ئیجا ناوچەی سالمی لە کوەیت وە ٤٧،٧ پلەی سیلیزی، ئیجا شار رفاعی لە باشوور عراق وە ٤٦،٦ پلەی سیلیزی، لە دویاترین پلە لەناو خشتەگە بوی.
ئاژانس شەفەق نیوز خشتەی گەرمترین ناوچەیل جەهان بڵاو کەێد:
