نارنجەک و گولە و مادەی هوشبەر... رویداوەیل ئەمنی لە زیقار
سەرچەوەیگ ئەمنی وە ئاژانس شەفەق نیوز خەوەردا" مەرافەیگ سەخت لە ناو قاوەخانەیگ رویدایە لە قەزای سەێد دەخیل خوەرهەڵات ناسڕیە، لە شەرە دەس و رەسیەس ئەرا وەکارهاوردن چەک لەناو قاوەخانەگە" وتیش لایەنەیل مەرافەگە فەرمانبەریگ وەزارەت کارەبا و باوگیگ و سێ لە کوڕەیلی بوینە".
سەرچەوەگە وتیش" هیزەسل ئەمنی ئاخڵەی شوین رویداوەگە دانە و هەردگ لا دەسگیرکردنە، ئەرا بنکەی پۆلیس کلیانکردن تا ریکارەیل لێکۆڵینەوە وەگەردیان ئەنجام بیریەێد".
وەلایگتر هیزەیل ئەمنی، توومەتبار رخبەریگ دەسگیر کەن ک بازرگانی وە مادەی هووشبەر کردیە لە قەزای رەفاعی باکر پارێزگای زیقار، 500 دەنگە حەب هووشبەر وەپی بویە، وەپای سەرچەوەگە توومەتبار وەپای مادەی 32 مادەی هووشبەر سزادریا.
لەلایگیش سەرچەوەگە راگەیان، کەسەیل نەناسریایگ وە نارنجەک ماڵ فەرمانبەریگ حکومی کردنەسە ئامانج لە قەزای سوق شیوخ لە باشوور شار ناسریە، زەرەد مادی وە روی ماڵەگەی و ماشینەگەی رەسانیە.
