ناکۆکی وەبان مادەی هووشبەر کۆتایی وە ژیان گەنجیگ تیارێد وەبان دەس هاوڕێیەگەی لە بەغداد
وەڕێوەبەرایەتیەگ لە بەیاننامەیگ رەسیە ئاژانس شەفەق نیوز وت، "مەفرەزەیگ لە وەڕێوەبەرایەتی دژە تاوان بەغداد/نویسینگەی ئەلقودس دژە تاوان، توەنست تاوان کوشتن ناداریگ ئاشکەرا بکەێد کە رویدابوی لەری تەقەکردن لەسەر کەسیگ وەلایەن کەسەیل نەناسریایگ و تەرمە قوربانیەگەوە فڕەدریاگی لە گۆڕەبان چوڵیگ لە ناوچەی فەریری خوەرهەڵات بەغداد پایتەخت پەیکردن".
وتیش "دەسوەجی لەوەر گرنگی باوەتەگە مەفرەزەیل دژە تاوان دەسکردن وە دروسکردن تیمیگ کارکردن ئەرا مینەکدن و گردەوکردن زانیاری کە بەرهەمداربوی وە رەسین وە یەکیگ لە تاوانبارەیل لە دووانەگە و لەری ئەوەو تاوانبار دویەمیش دەسگیرکریا، و دەسنریا وەبان مماتوڕسکیلیگ کە ئەرا رویداوەگە وەکاری هاوردوین وەرد چەک تاوانەگە کە لە جویر دەوانچەس".
وتیش "وتە لە تاوانبارەیل وەرگیریاگە و دان نانە وە ئەوەگ تەقە لە قوربانیەگە کردنە لەوەر گیچەڵیگ لەناوەینیان وەپای ئەوە مادەی هووشبەر خواردنە، لێدوانەیلیان لەنوای دادوەر لێکۆڵەر پشت ڕاسکریا بڕیار دەسوەسەرکردن یاسایی دریا ئەرایان وە پشت بەسین وە بڕگە مادەی 406 لە یاسای سزادان و تا وەپای یاسا سزای گونجیاگ وەربگرن".
