کۆڕۆنای عراق..١٨٢ تۊشهاتن و ٩ مردن
2021-12-18T13:34:06+00:00
شەفەق نیوز/ وەزارەت تەندروسی و ژینگەی عراق، ئمڕوو شەممە، راگەیان توومارکردن ١٨٢ تۊشهاتن نوو وە ڤایرۆس کۆڕۆنا، و ٩ مردن لە ماوەی ٢٤ سەعات گوزەیشتە.
وەگورەی هەڵوێست وەزارەت تەندروسی و ژینگە، تاقێگەیل پزشکی ١٨٢ تۊشهاتن نوو وە ڤایرۆس کۆڕۆنا توومار کردن، و ٤٨٠ بیمار لە پەتاگە خاسەو بۊین، و ٩ کەس لەوەر پەتاگە مردن.
وەزارەتەگە وتیش: ١٥٥٨١ هاووڵاتی واکسین دژوە ڤایرۆس کۆڕۆنا بردنە، تا گشت شمارەگە بڕەسێدە ٨٢٠٤٨٢٩.
