ناکۆکییگ خیزانی هیلێد چوار برا شێخ هووزەگەی خوەیان لە بەغداد بکوشن
2021-03-22T13:17:23+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە کوشتن شێخ هووزیگ لە بەغداد، وەدەس چوار برا لە خەڵک هووزەگە، لەوەر ناکۆکییگ خیزانی.
سەرچەوەگە ئەرا ئاژانس شەفەق نیوز وت: ناکۆکییگ خیزانی هیشت چوار برا شێخ هووزەگەی خوەیان وە چەکیگ کلاشینکۆف لە ناوچەی مەشتەل لە بەغداد پایتەخت بکوشن.
سەرچەوەگە وتیش؛ هێزیگ ئەمنی دەورگرد شوون رووداوەگە گرد، و لێکۆڵینەوەیگ ئارا زانستن هووکارەیل رووداوەگە واز کرد، وەبی باسکردن لە ووردەکاریەیلیگ تر.
