کۆڕۆنا گیان فەرماندەیگ سەربازی لە سوپای عراق سینێد
شەفەق نیوز/ سەرچەوەیگ ئەمنی لە دیالە، ئمڕوو چوارشەممە ، خەوەردا لە مردن فەرماندەیگ سەربازی لە سوپای عراق دویای تویشهاتنی وە ڤایرۆس کۆڕۆنا ، هەرچەن یە ساڵ و نیمیگە بیماریەگە کەمەو بویە.
سەرچەوەگە ئەرا ئاژانس شەفەق نیوز وت: فەرماندەی لیوای دویەم - فیرقەی یەکەم لە سوپای عراق عەمید روکن محمد ساڵح کروی، ئمڕوو، لەناو یەکیگ لە خەسەخانەیل بەغدای پایتەخت گیانی لەدەسدا ، دویای خراوبوین تەندروسیی لەوەر تویشهاتنی وە ڤایرۆس کۆڕۆنا ، ک کەفتە وەر تەنگە هەناس.
سەرچەوەگە وتیش: عەمید روکنەگە وەرجە یەک مانگ تویش پەتاگە هات، و رەسیە بەغداد ئەرا چارەسەری، باوجی تەقەلایل پزشکی نەڕەسینە خاسەوکردنی تا گیانی رزگار بوود.
جی باسە ک پەتای کۆڕۆنا ک گیان دەیان لە وەرپرپرس و فەرماندەیل و ئەسارەیل وەرزش و کۆمەڵگا سەن، یە ساڵ و نیمیگە لە فرەی ناوچەیل عراق فرە کەمەو بویە و نیمچە کۆتاییگ وەپی هات.
