نەوین نیمە تەواویگ لە کارەبای دیالە
وەرپرسیگ ناوخوەیی لە دیالە ئەرا ئاژانس شەفەق نیوز وت: کارەبا وەشیوەی نیمە تەواویگ لە گشت ناوچەیل دیالە بڕیایە، لەوەر گیچەڵ وسیان کڕەیل دیالە - میرساد و خانەقین سەرپڵ زەهاب لە ٤٨ ساعەت گوزەشتە، ئیجا ویستگەیل بەرهەمکردن گازی لە سیستەم نیشتمانی لەکار وسیا.
دووپات کرد ک بەش کارەبا لە دیالە دویای وسیان کڕەیل ئیرانی و ویستگەیل بەرهەمکردن لە ٢٠٠-٣٠٠ میگاوات رەد نیەکەێد، لە وەختیگ خوازین پارێزگاگە لە ١٠٠٠ میگاوات زیاترە، وتیش؛ قەیرانەگە لە فرەی پارێزگایل عراق گشتیە، باوجی نزیکترین پارێزگایل ئەرا بەغداد زەرەد وەپیان رەسێد چوینکە پشت وە ویستگەیل گازی و کڕەیل ئیرانی بەسن.
دیالە لە کڕ کرماشان - دیالە کارەبا بەێد ک ٤٠٠ میگاوات دەێدە سیستەم نیشتمانی، وەگەرد کڕ سەرپڵ زەهاب - خانەقین ک ١٥٠ میگاوات دەێدە سیستەمەگە، و خوازین پارێزگاگە وە زیاتر لە ٩٠٠ میگاوات لە کارەبا مەزەنە کریەێد.
