ژن هاناویان...ئاسایش عراق زیاتر لە 60 کەس وە توومەت چزداین دەسگیرکەێد
2023-01-12T08:40:44+00:00
شەفەق نیوز/ دەزگای ئەمن نیشتیمانی عراق، ئمڕوو پەنجشەممە، خەوەردا لە دەسگیرکردن دەیان توومەتبار وە دۆسیەیل چزداین لەمابەینیشیان ژن هەس لە چەن پارێزگایگ وڵاتەگە.
دەزگاگە لە بەیاننامەگ ئمڕوو راگەیان، مەفرەزەیل لە پارێزگایل شمارەیگ ئۆپراسیۆن جیوەجی کردنە، لەو ماوە توەنستنە 63 کەس ک دوانیان ژنە دەسگیر بکەن، توومەتبارن وە چزدان کەسەیلتر ئەرا وەدەسهاوردن بڕە پویلیگ یاکارەیل نائەخلاقی.
وتیش، لێدوان لە گشتیان وەرگیریاس و ئەرا لایەنەیل تایبەت کلکریانە تا رێکارەیل پێویست وەگورەی یاسا لە وەرانوەریان بگیریەێد.
