نەینەوا.. دویەتیگ خوەی کوشێد و مناڵیگ وە گەزین سەگ مرێد

شەفەق نیوز/ دویەت گەنجیگ، لە شار مووسڵ، ئمڕوو سێشەممە، خوەی دادە سێدارە، و مناڵیگ کەفتە وەر گەزین سەگ لەلای چەپ شار مووسڵ، لە پارێزگای نەینەوا. سەرچەوەیگ ئەمنی ئەرا ئاژانس شەفەق نیوز وت: سەگیگ پەلامار مناڵیگ وەگەرد خوەشکەگەی دا، کە مناڵەگە خوازیە مقیەتی خوەشکەگەی بکەێد، و سەگەگە ئەو مناڵە گەزێد، ئەوەیش لەلای راس شار مووسڵ لە پارێزگای نەینەوا. وتیش؛ گەزین سەگەگە کۆتایی وە ژیان مناڵەگە هاورد. لەلاییگ ترەک، دویەتیگ گەنج کۆتایی وەژیان خوەی هاورد، کە لەناو ماڵەگەی خوەی دادە سێدارە، ئەویش لەناو گەڕەکیگ لەلای چەپ شار مووسڵ. وتیش؛ هەکار خوەیکوشتن دویەتەگە هیمان نادیارە.