ژنیگ عراقی پەنج مناڵ لفانە لەناو خەسەخانەیگ لە بەغداد زاێد
2023-03-21T09:43:19+00:00
شەفەق نیوز/ وەزارەت تەندروسی عراق، ئمڕوو سێسەممە، خەوەردا ک ژنیگ پەنج مناڵ لفانە لەناو خەسەخانەیگ لە بەغداد پایتەخت زایە.
وەزارەتەگە لە بەیاننامەیگ رەسیە ئاژانس شەفەق نیوزەلە زوان وەڕیەوبەر خەسەخانەی زایین و مناڵ "فاطمة الزهراء" لە فەرمانگەی تەندروسی بەغداد رەسافە، دکتۆر سەلام بەدر سوڵتان وت: ژینگ خەڵک ناوچەگە پەنج لفانە (سێ دویەت و دوو کوڕ) زایە، و داڵگەگە وەگەرد پەنج کوورپەگەی وە تەندروسی خاسیگ لە خەسەخانە دەرچگن.
وەرپرس تیم پزشکی ژنانە و زایین، خانمە دکتۆر سەیما محمد لامی وت: ئەو ژنە لەناو تەمەن بیس ساڵان، لە نۆ مانگان بویە و رەسیە فریاکەفتن خەسەخانەگە، ژیان لە ژانپیچ مناڵدان داشتگە، و دویای وەشکین پزشکی و تاقیگە و سۆنار، هەواڵەی نەشتەرگەری کریا، و وە نەشتەرگەری قەیسەری پەنج لفانە زاێد، سێ دویەت و دوو کوڕ، کیشیان ها ناوبەین (800 _1300 گرام)، و خریانە ژیر چەودیاریکردن، و وەتەندروسی خاسیگ لە خەسەخانە دەرچگن.
