ژنیش هاناویان...دەسگیرکردن باندیگ بازرگانیکردن وە مادەی هووشبەر
2024-06-20T14:46:31+00:00
شەفەق نیوز/ وەزارەت ناوخوەی عراق، ئمڕوو پەنجشەممە، راگەیان تووڕیگ بازرگانیکردن وە مادەی هووشبەر دەسگیرکردنە کە ژنیش هاناویان، لە پارێزگای میسان.
قسەکەر وەزارەت ناوخوەی، عەمید موقداد میری لە بەیاننامەیگ رەسیە ئاژانس شەفەق نیوز وت، "زانیاری هویردیگ وە تەقەلای هەواڵگێری رەسیەس وەڕێوەبەرایەتی بەڕەنگاربوین مادەی هووشبەر میسان، لە ئەنجام تووڕیگ بازرگانیکردن وە مادەی هووشبەر دەسگیرکردن کە لە 4 توومەتبار پێکهاتوین لەناویان ژنیگیش هەس، کە نزیکەی 2 کیلوگرام مادەی هووشبەر کریستال وەپیان بویە".
وتیش، "ئۆپراسیۆنەگە وە هاوبەشی وەگەرد فەوج چوارەم لیوای چوار لە تیپ جواوداین خێرا، دەسکریا وە رێکارەیل یاسایی وەرانوەریان وەپای بڕگە مادەیل 28 هووشبەر".
