نەجەف.. کوشیان پیاویگ و ئاشکراکردن هویردەکاریەیل کوشیان پارێزەریگ

شەفەق نیوز/ سەرچەوەیگ ئەمنی لە نەجەف، ئمڕوو شەممە، هویردەکاریەیل نوویگ لە کوشیان پارێزەریگ لەناو یەکیگ لە ماڵەیل شارەگە ئاشکرا کرد، و هەمیش کابرایگ لە ناوجیکردن لەناوڕاس پارێزگاگە کوشیا. 

سەرچەوەگە ئەرا ئاژانس شەفەق نیوز وت: ئەو پارێزەر گەنجە، لەناو ماڵیگ بوی، و بویە مرافەیگ، و کابرایگ سێ گولە دا لە پارێزەرەگە وکوشتەی، ئیجا وەرەو شوینیگ نادیار وای. 

سەرچەوەگە وتیش: دەزگا ئەمنیەیلە بکوشەگە ناسن، وئیسە کەفتنەسە مینەی.  

لە خود پارێزگا، سەرچەوەگە ئەرا ئاژانس شەفەق نیوز وت: کابرایگ لەناو جادەیگ لەناوڕاس شار نەجەف، چیە ناوجی لەناو مرافەیگ بکەێد، وەگولە کوشیا.   

سەرچەوەگە وتیش: بکوشەیل دویای تاوانیان واینە، وتیش ئی تاوانە دویای چەن ساعەتیگ لە کوشتن پارێزەگە هات.