نەتەوە یەکگرتگەیل راگەینێد خاسەوکردن ٢٧٠٠ ماڵ لە مووسڵ
شەفەق نيوز/ شاند بەرنامەی نەتەوە یەکگرتگەیل لە عراق، راگەیان خاسەوکردن زیاتر لە ٢٧٠٠ ماڵ رمیاگ لە شار مووسڵ کۆنە.
زینە عەلی ئەحمەد خانمە نۆێنەر نیشتەجی بەڕنامە نەتەوەییەگە ئەرا ئاژانس شەفەق نیوز وت؛ ئەو ماڵەیلە لە شار مووسڵ خاسەو کریانە، خوەیان بەشیگن لەنبنچینەی ٧٢٠٤ ماڵ لە گشت مووسڵ.
و دیاری کرد ک خاسەوکردن ماڵەیلە وەگورەی بەڕنامەی دووارە ئارامکردن ناوچە رزگاربۊیەیلە تیەێد، ک بەڕنامەگە هەر لە مەوقەی رزگارکردنەگە جیوەجیی کەێد، ۆ لەلایەن ٢٧ دەوڵەت و حکومەت عراق سپۆنسەری کریاگە.
وتیش: ٨٠٠ ماڵ تر لە شارە کۆنەگە ئەوەسا لە ساڵ ئایندە خاسەو کریەن، وتا ئیسە ٣٥،٨ مەلیۆن دۆلار ئەمریکی لە خوەرئاوای مووسڵ سپۆنسەر کریاگە.
زینە خان وتیش؛ لە جەنگ رزگارکردن عراق لە ریخریاگ داعش، مووسڵ دۊیەم گەورەترین شار بۊی لە هەژمار دانیشتگەیل لە وڵاتەگە ئەویش دۊیای بەغداد پایتەخت، ک زەرەدمەنترین بۊی لەو جەنگ سەختە.
