مەلەوانی لە دیجلە.. پەنای عراقیەگانە لە گەرمی تاوسان (وینە)
شەفەق نیوز/ فرە لە عراقیەگان وه‌تایبەت لە دانیشتوەیل بەغداد پایتەخت، پەنایگ لە چەم دیجلە ئەرا خوەیان دویننەو، لە ماوەی تاوسان لە وه‌ر کەهرەبا بڕین و پلەی بەرز گەرمی.
پلەی گەرمی لە بەغداد پایتەخت رەسیدە دەور ٥٠ پلەی سەدی، ک زیان مەردم فرەوە کەێد، وەگەرد لەکار وسانن ئامێر سەرەدەوکردنە ماڵیەگان، وجاروباریش ئاو بڕین، لەوەر بڕین کەهرەبا.
عراق لە کەمی وزەی کەرەبا زیان وەخوەی دوینێد، لەوەر جەنگەیل و نائارامی و گەندەڵی.
فرەیگ لە خەڵک ئەعزەمیە لە بەغداد، چن ئەرا چەم دیجلە ئەرا خوەشی کردن وە مەلوانی، ک کامیرای ئاژانس شەفەق نیوز، دەیان رەوانگەکرد لە تەمەنەیل جوورا جور ، وەختەگە وە مەلوانی لەناو ئاو چەمەگە گوزران کەن.
هاتن مەردم ئەرا مەلەوانی لە چەم دیجلە فرەوەبویه، له‌ژیر کاریگەری ئەو کۆتەیلە ک لەبان فیڕۆس کۆڕۆنا چەسپیاگە، ک شوونە گشتیەگان جوور مەلەوانگاگان و شوونەیل یاری بەسیان لە ترس بڵاوبوین پەتاگە.
