یەک مووشەک کاتیۆشا کەفێدە ناو قەزای حەزەر لە نەینەوا
![یەک مووشەک کاتیۆشا کەفێدە ناو قەزای حەزەر لە نەینەوا](https://media.shafaq.com/media/arcella/1628937227279.jpg)
2021-08-14T10:34:20+00:00
شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا لە کەفتن مووشەکیگ کاتیۆشا لەبان قەزای حەزەر لە باشوور شار مووسڵ.
وەگورەی قسەی سەرچەوەگە ئەرا ئاژانس شەفەق نیوز: کەفتن ئەو مووشەکە نەویە هووکار هیچ زەخمدارییگ.
سەرچەوەگە وتیش؛ تا ئیسە شوین وەشانن مووشەکەگە دیاری نەکریاگە، وتیش؛ هێزیگ ئەمنی دەسکردە مینەکردن و لێکۆڵینەوە.