مووسڵ چوارەم خوەیکوشتن لە ماوەی کەمتر لە دوو مانگ تۆمار کەێد
شەفەق نیوز/ سەرچەوەیگ ئەمنی لە پارێزگای نەینەوا، ئمڕوو شەممە، خەوەردا لە خوەیکوشتن گەنجیگ لەبان پوڵ چوارەم لە شار مووسڵ، لە چوارەم خوەیکوشتن لەماوەی کەمتر لە دوو مانگ لەناو شارەگە.
سەرچەوەگە ئەرا ئاژانس شەفەق نیوز وت: گەنجیگ خوەی لەبان پوڵ چوارەم خوەی خستە بان زەوی لە نزیک لا خوەرهەڵاتیەگەی چەم دیجلە، وەبی زانستن هووکارەیل خوەیکوشتنەگە.
لە سێیەی ئی شوباتە، سەرچەوەیگ ئەمنی لە پارێزگای نەینەوا خەوەردا ک پۆلیس چەم رزگار ناخاڵەیگ کرد لە تەقەلای خوەیکوشتن ک لەبان یەکیگ لە پوڵەگان شارەگە خوەی خستە خوار.
سەرچەوەگە ئەرا ئاژانس شەفەق نیوز وت؛ ناخاڵەیگ ١٥ ساڵان خوەی لە پوڵ چوارەم لە مووسڵ خستە خوار، لە تەقەلای خوەیکوشتن وەخنکانن لەناو ئاوەگە، بەڵکم پۆلیس چەم دویای چەن خولەکیگ وەرجە خنکاننی رەسیە پی و لەئاوەگە دەری کرد.
و ئاماژە کرد ک ئەیە دوویەم تەقەلای خوەیکوشتنە لەبان ئی پوڵە، چوونکە بەرزترین پوڵە لە شار مووسڵ.
جی باسە ک شار مووسڵ تا ئیسە چوار تەقەلای خوەیکوشتن لەلایەن گەنجەیلیگ لە سەرەتای ئی ساڵە تۆمار کردگە.
