موقتەدا سەرد "وازهاوردن یەکجاریی" راگەینێد

شەفەق نیوز/ موقته‌دا سه‌در ریبەر رەوت سەدر، ئمڕوو دووشەممە، وازهاوردن یەکجاریی راگەیان، و بڕیار بەسیان گشت دامەزراوەیل رەوت سەدر راگەیان، بیجگە مەزارەگەی باوگی.

سەدر لە تویتیگ ئاژانس شەفەق نیوز نووڕیەی وت: فرە کەس، سەید حائرییش وەگەردیان، مەزەنە کەن ک ئی ریبەریە وە خاسی و فەرمان ئەوان هاتیە، نەخەیر، ئەوە وە خاسی خودای منە یەکەم جار، و بەرکەت باوگمە ک واز لە عراق و گەلی نەهاورد.

وتیش: لەبان دەسکیشانی --حائری- هەر نەجەف ئەشرەف هەمیشە گەورە بارەگای  مەرجەعیەتە، و رووژیگ خوەم وە مەعسووم یا موجتەهید نەیش سەرکردە نەگردمە، باوجی ( امر بالمعروف و نهي عن المنكر) کردمە، (ولله عاقبة الأمور), و تەنیا خوازیمە ئەو چەفتیە راسەو بکەم ک هیزە سیاسیەیل شیعە بوینە هووکاری، چوینکە زۆرینەن، و تەنیا خوازیمە نزیکیان لە گەل بکەم، تا هەس وە زیانی بکەن، بەشکی بوودە دەر رەزامەنی خودا ئەرایان، وەلی یە لەکوو بارن، هەرچەن لە نووڕین خوەم دەسکیشان مەرجعەگە (حائری) وەدەس خوەی نەویە، و بەیاننامەگەییش هن خوەی نییە، باوجی وەرجەیە بڕیار دامە دەس وەناو کار سیاسی نەنەم، وئیرنگە وازهاوردن یەکجاریی راگەینم، و بەسیان گشت دامەزراوەیل بیجگە مەنزڵگای شەریف و موزەخانەی شەریف و دەزگای ئال سەدر، و گشتی لەمن وەخشیایە، و ئەگەر مردم یا کوشیام، داوای فاتیحە ونزا لەلیدان کەم.