موسەنا نوقڵانەی قەیران ئاو سەختیگ دەێد
شەفەق نیوز/ حکومەت پارێزگای موسەنا لەباشوور عراق، ئمڕوو شەممە، مەزەنەی قەیران ئاو سەختیگ لە ماوەی سێ مانگ بانان لە پارێزگاگە کرد، و دووپات کرد ک رەوش ئاو ئیسە خاسە، چوینکە وەرز کشتوکاڵی نییە.
یاوەر پارێزگار ئەرا باوەتەیل کشتوکاڵی و سامانەیل ئاوی، عەبدولوەهاب یاسری ئەرا ئاژانس شەفەق نیوز وت: پارێزگاگە لەی وەختە کۆتایی وە گرفتەیلی وەرد پارێزگای دیوانیە هاورد، چوینکە وەرز کشتوکاڵی و ئاویاری تەوا بوی، و دووپات کرد ک قەیران ئاو کەفێدە ناوبەین دوو پارێزگاگە چوینکە کشاوەرزەیل دەسدرۊژیکار و مووڵەتدار لە خاوەن ماتور ئاوەیل پابەندی وە تاقەبەش خوەیان لەلاین وەزارەت سامانەیل ئاوی نیین.
وتیش؛ ئی دەسرویژیە لەبان تاقەبەشە ئاوەگە هیلیێد بەش ئاو موسەنا گوما بوود، وکەمیەو کەێد لەوەر دەسرویژیکردن کشاوەرزیل لە دیوانیە.
یاسری هەمیش وت: ئیسە ئاو پارێزگاگە خاسە و قەیران نییە، باوجی مەزەنە کەیمن لە سێ مانگ ئایندە (مانگ شەش و هەفت و هەیشت) بوودە قەیران ئاو سەختیگ لە پارێزگاگە.
یاوەر پارێزگار وتیش: هووکار ئی قەیرانە دەسکردن وە وەرز کشتوکاڵی نووە، وەگەرد ئەو تەکانەیل ئاوە ک فرە کەمە، و هەمیش وەگەرد شمارەی ئەو کەسەیلەگ دەسدرۊژی لەبان چەمەیل کەن، ک کەفنە بان ئاوەگە.
