موسڵ...دەسگیرکردن کەسیگ وە 11 پەیج درووکانی لە فەیسبوک چز وەرپرسەیل دەێد
شەفەق نیوز/ سەرچەوەیگ ئەمنی لە موسڵ ناوەن پارێزگای نەینەوا، ئمڕوو دوشەممە، خەوەردا ئاسایش نیشتیمانی کەسیگ دەسگیر کردنە 11 پەیج درووکانی لەبان تووڕ کۆمەڵایەتی "فەیسبوک" وەڕیەو بردیە.
سەرچەوەگە وە ئاژانس شەفەق نیوز وت، توومەتبارەگە لە ری سێ مۆبایل ئی پەیجەیلە وەڕیەوبردیە و وەپیان چز وەرێەوبەر فەرمانگەیل و وەرپرسەیل، بازرگانەیل دایە ئەرا وەرگردن بڕیگ پویل لەلیان، وتیش بڕیگ لە وەرپرسەیل حکومی پەیوەندی وە توومەتبارەگە کردنە، و بڕیگ نامەیل گاڵداین ئەرا پەیجەگە کلکردنە دژ وە وەرپرسەیلتر.
سەرچەوەگە وتیش، لەبان سکاڵایگ ک لە دادگا وەلایەن سکاڵاکەرەیل توومەتکریابوی دەسگیرکریا ک توومەت خستیەسە پاڵیان و ناوزڕیان کردیە لەبان تووڕ کۆمەڵایەتی لە ری ئەو پەیجەیلە، دیاریکرد توومەتبارەگە دویەم گەورەترین چزدەرە ک لەماوەی ئی 6 مانگە دەسگیرکریایە وەلایەن دەزگای ئاسایش نیشتیمانی.
