مناڵیگ لە بابل کەفێدە ناو بیر

 شەفەق نیوز/ وەرگری شارستانی لە پارێزگای بابل، ئمڕوو دووشەممە، خەوەردا ک مناڵیگ عراقی کەفتە ناو بیر ئاویگ لەناو یەکیگ لە مەزارەیل ئاینی. 

وەڕێەوبەرایەتی وەرگری شارستانی لە بەیاننامەیگ رەسیە ئاژانس شەفەق نیوز وت " مەفرەزەیل وەرگری شارستانی حلە، مناڵیگ ٣ ساڵان وەگەد باوگی لەتومەن ٢٨ ساڵان رزگار کردن.   

دیاری کرد ک مناڵەگە لەناو مەزار ئیمام عومران کوڕ عەلی، کەفتە ناو بیریگ ک زیارەتچیەیل ئاو لەلی خوەن و تەوەڕک لەلی گرن، هەرچەن دەم بیرەگە بەرزە.    

وتیش؛ وە مۆڕاڵ بەرزیگ و ئازایی فرەیگ مناڵەگە وەگەرد باوگی رزگار کریان، و تەندروسییان خاسە.