ئەمن نواگیری خوەنیشاندەرە دەرچگەیل پیشەیی پزیشکی کەێد لە بەغداد.. لەلای کەمەو زەخمداری 22 کەس
2024-08-19T07:53:56+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە زەخمداری دەیان دەرچگ پیشەیی پزیشکی لە مەوقەی ئەو خوەنیشاندانە رێکیخستوین لە بەغدای پایتەخت.
سەرچەوەگە وە ئاژانس شەفەق نیوز وت، دەیان دەرچگ پیشەیی پزیشکی لە بەغداد دەرچگ ساڵ 2023 خوەنیشاندانیگ رێکخستن لەنوای وەزارەت دارایی لەناوڕاس بەغداد ئەرا داواکاری دامەزرانن.
سەرچەوەگە ئاشکەرایکد، هێزەیل پاراستن یاسا وەخەسی بڵاوەوکریانە لە نزیک وەزارەت دارایی، وتیش لەوەخت خوەنیشاندانەگە زیاتر لە 22 زەخمداری لەناوەین خوەنیشاندەرەل توومارکریاس لەئەنجام لێدان ئۆپراسیۆن لێدان و واین وەگەرد هێزەیل پاراستن یاسا.
سەرچەوەگە وتیش، هێزەیلە دار کارەبایی و دەڵەکداین وەکارهاوردنە، خوەنیشاندەرەیلیش وە سەنگ جواوەو دانە، شمارەی زەخمدار رەسێدە 22 کەس لە یەکەم ئامار.
لە یەکیگ لە پارچە ڤیدیۆگان دەرچگە تیمەیل راگەیانن قەیەغەی وینەگردن و توومارکردن رویداوەگە کریەن، شایەتحالەیل ئوشن "دەسدمرویژی" کریاس وەبان رووژنامەوانەیل.
