ئەمن عراق تووڕیگ سەرەکی ئەرا بازرگانیکردن وە هوشبەری لە بەغداد چەکنێد

شانەگە لە بەیاننامەیگ رەسیە ئاژانس شەفەق نیوز وت: دویای رەسین زانیاری لەبان باندیگ کار لە بازرگانی هوشبەری و بەشەوکردنی لە خوەرهوڵات بەغداد پایتەخت کەێد، و وە یەکیگ لە باندەیل سەرەکی لە بەشەوکردن مادەی هوشبەر لە پارێزگای بەغداد دریەێدە قەڵەم، و دویای نووڕین وە زانیاریەیل و چەودیاریکردن وەردەوام ئەرا جویلەی چەنەگەی ک تا سێ رووژ کیشا، شوین و نوینیان دیاری کریا، و مووڵەت دادوەری بریا.

بەیاننامەگە وتیش: مەفرەزەیل وەریەوبەرایەتی هەواڵگری و ئاسایش بەغداد، وە بەشداریکردن فیرقەی یەکەم - پولیس فیدڕاڵی، توەنست بڕەسێدە شوینان، و سێ توومەتبار لە تووڕەگە دەسگیر بکەێد، دویای رووەڕویبوین وەگەردیان، ک تەقە لە هیزەیل کردن و نارنجە وەشانن، تا ریکارەیل یاسایی وەگەردیان جیوەجی کریا، و هەواڵەی دادگا کریان.