مزگانی خوەشیگ.. هونەرمەن ئیحسان دەعدووش لە کۆڕۆنا قورتار بی

شەفەق نیوز/ هونەرمەن عراقی ئیحسان دەعدووش، ئمڕوو پەنجشەممە، راگەیان لە خاسەوبوین یەکجاریی لە بیماری ڤایڕۆس کۆڕۆنا، دویای خەفتنی لە خەسەخانە و ململانەی وەل بیماریەگە.
دەعدووش لە پۆستیگ لە ماڵپەڕەیل پەیوەندیە کۆمەڵایەتیەگان نووساد؛ ک تاقیکردنەوە سێیەمی وە پووچەڵی ڤایڕۆسەگە دەرچگ. وتیش ئەوەسا چارەسەریەگەی لە ناو ماڵ تا ١٥ رووژ تەواو کەێد.
ساندێکای هونەرمەنده‌یل عراق لە کۆتایی مانگ حوزەیران گوزەیشتە راگەیان لە تووشهاتن دەعدووش وە ڤایڕۆس کۆڕۆنا. ڤایڕۆسەگە رەسیە ژمارەیگ لە هونەرمەنە عراقیەگان و هەسارەیل تۆپان، هەمیش وەرپرسەیلیگ ناوخۆیی و ئەفسەرەیلیگ لە سوپای عراق.