مزگانی خوەشیگ ئەرا کورد فەیلی
شەفەق نیوز/ ئەمینداری گشتی ئەنجومەن وەزیرەیل عراق، تەمەی وەزارەت کووچ و کووچبەری عراق کرد، "لاوردن کاریگەریە بەدەیلە لەبان کوردەیل فەیلی" بیەێدە دەسەی پەیوەندیدار وە رینمایل دیاریکردن لایەنگەری هاووڵاتیەیل ئی چینە، لەبان پەیمانەیلیگ بکریەێدە بەڵگەنامەی فەرمی.
لە تەمەیەگە ک کەفتە دەس ئاژانس شەفەق نیوز، باس هەماهەنگی ناوبەین وەزارەتەیل کووچبەری و دارایی بکریەێد تا بیمەی دارایی ئەرا کورد فەیلی دانریەێد، وەگوری هەماهەنگی وەرد ئەمانەت بەغداد و وەڕەوبەرایەتیەیل شارەوانی لە پارێزگایل ئەرا بەشەوکردن پارچە زەۊ وەپیان.
لە تەمەیەگە هەمیش دیاریکردن وەزارەت دارایی هات ک بەشیگ لە دامەزرانن فەرمانبەری ئەرا کورد فەیلی بوود، لە پڕۆسەی یاسای بوودجەی فیدراڵی ئەرا ساڵ ٢٠٢٢، وەگەرد نووڕستن وە نۊنەرایەتی چین کورد فەیلی لە هەڵبژاردن ئەنجومەن نۊنەرەیل عراق وە (یەک بازنە) و زیایکردن شمارەی کورسیەیل.
