مردن پەرلەمانتاریگ عراقی وەڤایڕۆس کۆرۆنا

شەفەق نیوز/ ئمڕوو جمعە، لەوەر تووشهاتنی وە ڤایڕۆس کۆڕۆنا، غەیدا کەمبەش ئەندام ئەنجومەن نوێنەران لە پارێزگای دیالە کۆچ دویایی کرد.
پەڕلەمانتار مقداد جومەیلی لە بەیاننامەیگ ك رەسیە ئاژانس شەفەق نیوز وت: و خوسەو خەفەتی ودڵته‌نگیگ پڕ زیان، پرسەو سەرەخوەشی کەیمن لە هاوڕێ ئەزیزمان پەرلەمانتار د.غەیدا کەمبەش، ک دویای تووشهاتنی وە ڤایڕۆس کۆڕۆنا و ململانەی وەگەردی ئه‌را ماوه‌ی دوو هەفتە، کۆچ دویایی کرد.
لەلای خوەییش، سەرچەوەیگ پزشکی ئەرا ئاژانس شەفەق نیوز وت: پەرلەمانتار غەیدا کەمبەش لە بەعقوبە دویای خراوبوین رەوش تەندروسیەگەی لەوەر تووشهاتنی وە ڤایڕۆس کۆرۆنا مرد.
غەیدا کەمبەش پۆست وەرپرس دەسەی خوەنەواری پەرلەمانی وەرگردگە، و پۆست ئەندام ئەنجومەن نوێنەران ئەرا سێ دەورەی پەرلەمانی وەرین. کەمبەش یەکەم پەرلەمانتار عراقییه‌ وە ڤایڕۆس کۆڕۆنا بمرێد.
ژمارەیگ لە وەرپرسە عراقیەگان لەناویان فەرماندەیل ئەمنی و ئەفسەرەیل پلە باڵا کەفتنە وەر تووشهاتن وە ڤایڕۆس کۆڕۆنا، و ژمارەیگ لەلیان وە ڤایڕۆسەگە مرد.