مردن وزەخمداربوین ٥ کەس لە یەک خیزان وە دوو رووداو لە باشوور مووسڵ

شەفەق نیوز/ سەرچەوەیگ ئەمنی، ئمڕوو جمعە، خەوەردا لە مردن مناڵیگ و زەخمداربوین چوار کەس لە خیزانەگەی وە رووداویگ هاتووچو لە باشوور شار مووسڵ لە پارێزگای نەینەوا.

سەرچەوەگە ئەرا ئاژانس شەفەق نیوز وت: موتۆرسکڵیگ (سەتوتە) خیزانیگ لە باوگ و داڵگ و سێ مناڵ هەڵگردگە، داگە کرێنیگ لە نزیک ئاوای حاج سوڵتان لە باشوور شار مووسڵ، ک بویە هووکار مردن مناڵەگە و زەخمداربوین ئەو تاکەیل خیزانەگە.

وتیش؛ زەخمدارەکان ئەرا خەسەخانەی قەیارە بریان، و ئیجا هەواڵەیان وەرەو خەسەخانەیل مووسڵ کریا، و لەمەوقەی بردنیان وە ماشینیگ فریاکەفتن، زەخمدارەیل ئەو خیزانە کەفتنە وەر رووداویگ تر لە نزیک ئاوای مونیرە، و ئیجا وەماشینیگ تر بریان.