مردن چوار کەس و زەخمداربوین سەربازیگ وە دوو رووداو لە نەینەوا

شەفەق نیوز/ سەرچەوەیگ ئەمنی و وەچەودیەلیگ خەوەردان ک چوار کەس مردن و ئەندامیگ لە سوپای عراق زەخمداربوی، وە دوو رووداو جیا لە پارێزگای نەینەوا.
وەچەودیەگان ئەرا ئاژانس شەفەق نیوز وتن، سێ کەس لە رووداویگ هاتووچو تاسنیگ لە نزیک کۆمەڵگەی دومینز سەروە ناحیەی زومار لە خوەرئاوای مووسڵ مردن.
وتنیش؛ رووداوەگە فرە سەخت بوی، و هەمیش بویە هووکار چەن زەخمداربوینیگ، لەناویان مناڵیگ تەمەنی لە ١٠ ساڵان زیاتر نەوی، لە دویای رەسینی ئەرا خەسەخانەگە گیانی لەدەسدا، تا ژمارەی مردگەیل ئی رووداوە بوونە چوار کەس و هیمان زەخمدارەیل سەختیگ هەس.
هەرلیوا، ئەندامیگ لە سوپای عراق لە قەزای مەخموور دوێەکە لە وەخت دیریگ، لە مەوقەی پاکەوکردن چەکەگەی، چەن گولیەگ لە دەسی دەرچگ، ولەناو سینەی جیگر بوین، وئیسە رەوش تەندروسیی سەختە.