مردن و زەخمداری پەنج کەس وە رویداو هاتوچو لە باکوور بەغدا
2023-01-15T08:31:57+00:00
شەفەق نیوز/ سەرچەوەیگ ئەمنی لە پۆلیس عراق، ئمڕوو یەکشەممە، خەوەردا لە مردن و زەخمداری پەنج کەس وە رویداو هاتوچو لە باکوور بەغدای پاینەخت.
سەرچەوەگە وە ئاژانس شەفەق نیوز خەوەردا، کەسیگ گیان لە دەسدایە و چواریش زەخمداربوین وە رویداو هاتوچو لەیەکداین لە مابەین ماشین و ماتۆرسکێڵیگ لە جویر توک توک لەبان ری سیاحی نزیک ناوچەی قەزای حوسەێنیە لە باکوور بەغدا.
لە رویداو دویەم چەکدارەیلیگ نەناسریاگ دوو بۆمب دەسی فڕەدانە ناو ماڵ کەسیگ لە ناوچەی جسر دیالەی کۆن لە بەغدا وەبی ئەوەگ بتەقێد.
سەرچەوەگە وە ئاژانس شەفەق نیوز وت، هێزەیل ئەمنی ئامادەبوینەو و دوو بۆمبەگە هەڵگردنە.
