مردن و زەخمداری سێ پۆلیس و پاسەوانەیل تایبەت و تلیان هاوڵاتیگ وە دوو رویداو لە بەغدا
2024-03-03T07:40:11+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە مردن و زەخمداری 4 کەس وە دوو رویداو هانوچوی لە بەغدای پایتەخت.
سەرچەوەگە وە ئاژانس شەفەق نیوز وت، کۆمیساریگ لە فریاکەفتن بەغدا گیان لەدەسدا و دوان ترەک زەخمداربوین لەئەنجام رویوەروی بوین دەوریەیگ فریاکەفتن وە رویداو لەیەکەوداین وەگەرد ماشین مەدەنیگ کە خاوەنەگەی وە تونی رانیەسێ، وریا نەویە لە چوارچمگ بازنەی 55 لەشار سەدر خوەرهەڵات بەغدا.
لەرویداویگ ترەک سەرچەوەگە دیاریکرد، ئەندامیگ لە پاسەوانەیل تایوەت هاوڵاتی مەدەنیگ تلانیە لەچوارچمگ جادەی "ئەلموتەبەک" لە مەشتەل خوەرهەڵات بەغدا لەئەنجام تویش زەخمداری جیاواز هاتیە، وتیش زەخمدارەگە ئەرا خەسخانە کلکریاس و ئەندامەگە دەسگیرکریاس تا رێکار یاسایی وەربگیرێد.
