مردن و زەخمداری 4 مەدەنی وە رویداویگ هاتوچو کە بویەسە هووکار سزیان ماشینەگە لە سەڵاحەدین
2024-07-07T09:19:14+00:00
شەفەق نیوز/ سەرچەوەیگ لە پۆلیس سەڵاحەدین، ئمڕوو یەکشەممە، خەوەردا لە مردن دوو مەدەنی، و زەخمداریبوین دوو ترەک وە رویداو هاتوچو کە بویەسە مدوو سزیان ماشینیگ وەبان ری تکریت ـ کەرکوک.
سەرچەوەگە وە ئاژانس شەفەق نیوز خەوەردا، "دوو ماشین مۆدیل نوو لەیەکەودانە لەبان ری تکریت کەرکوک لە چوارچمگ سنوور ناوچەی حەمرین، لەوەر تونی رویداوەگە یەکیگ لە ماشینەیلە سزیایە، دوو کەس گیان لەدەسدا و یەکیگیش زەخمداربوی".
سەرچەوەگە وتیش، "پۆلیس لە شوین رویداوەگە ئامادەبوی ، دوو تەرمەگە ئەرا پزیشک دادوەری بریان، و زەخمدارەیلەش ئەرا خەسخانە تا چارەسەربکریەن" وتیش "خێرایی بەرز و وریا نەوین هووکار رویداوەگە بویە".
