مردن و زەخمداری 12 کەس وە رویداو هاتو لە چوار پارێزگای عراق
شەفەق نیوز/ وەریەوبەرایەتی گشتی هاتوچو، ئمڕوو پەنجشەممە، مردن و زەخمداری 12 کەس وە رویداو هاتوچوی لە چوار پارێزگای عراق راگەیان.
وەریەوبەرایەتیەگە لە بەیاننامیگ رەسیە ئاژانس شەفەق نیوز وت، " رویداویگ لە یەکدان لە پارێزگای سەڵاحەدین لە مابەین ری گشتی (بەغدا-سامەرا-ناحیەی ئەسحاقی) لە نزیک (ری کوبان) رویدایە، لەمابەین ماشینیگ لە جویر دایۆ و ماشینیگ کیا بنکوی بارهەڵگر، وە مدووی وریانەبوین، بویە هووکار مردن سێ کەس و زەخمداری چوارکەس.
لە بەیاننامەگە خەوەردا لە رویداو پلیان ماشینیگ " مازدە پیک ئاپ بارهەڵگریگ"، لە پارێزگای موسەنا لەوەر کۆنترۆڵ نەکردن ماشینەگە ک بویەسە هوکار لە ری دەرچگنی ئەرا کنار خوەڵیایەگە" وتیش" رویداوەگە بویە هوکار مردن کەسیگ و زەخمداری یەکیگتر".
راگەیانیش، " رویداویگ لەیەکداین لە پارێزگای واست لەمابەین دوو ماشین نزیک پیەڵ سەوز رویدایە، لەوەر وریانەوین، رویداوەگە بویە هووکار زەخمداری دوو کەس".
دیاریکرد، " رویداویگ تلیان لە پارێزگای بەسرە رویدایە، لە سەرەتای پیەڵ ئنتفازە، لەری ماشینیگ لە جویر تویوتا، "وە مدووی تونی فرەیگ و وریانەوین"، وتیش، " رویداوەگە بویە هوکار گیان لە دەسدان کەسیگ"..
