یەک مردن وە کۆرۆنا لە بەغداد
2022-06-20T13:57:16+00:00
شەفەق نیوز/ وەزارەت تەندروسی و ژینگەی عراق، ئمڕوو دووشەممە، یەک مردن وزیایبوین نوویگ لە شمارەی تۊشهاتنەیل ڤایرۆس کۆرۆنا لە وڵاتەگە لە ماوەی ٢٤ سەعات گوزەشتە توومار کرد.
وەزارەتەگە لە بەیاننامیگ رەسیە ئاژانس شەفەق نیوز وت: تاقیگەیلی یەک مردن لە شار پزشکی لە بەغداد پایتەخت توومار کردن، وەگەرد ٥١٥ تویشهاتن نوو لە گشت پارێزگایل و هەرێم کوردستان، هەمیش ٢٢٥ خاسەوبوین لە پەتاگە.
دویەکە یەکشەممە، وەزارەت تەندروسی ٣٠٥ تویشهاتن وە ڤایرۆس کۆرۆنا، وەرانوەر ١٨٣ خاسەوبوین، وەبی مردن توومار کرد.
