یەک مردن و دەیان زەخمداربوین وە ئاگربازی و گولە لە شەو سەر ساڵ لەبەغداد
2021-01-01T10:00:12+00:00
شەفەق نیوز/ وەزارت تەندروسی وژینگەی عراق، ئمڕوو جمعە، وت: یەک کەس لەلای کەمەو کوشیا و زیاتر لە ٣٠ کەس زەخمداربوین لەوەر ئاکربازیەگان و تەقەکردن هەڕەمەکی لە ناو ئاهەنگەگان بەغداد پایتەخت لە شەو سەر ساڵ زایینی.
سەیف بەدر قسەکەر وەناو وەزارەتەگە لە تۆماریگ دەنگی بڵاوی کرده میدیایل راگەیانن، وت: تەندروسی نزیکەی ٢٥ زەخمداربوین لەوەر ئاگربازیەگان و ٧ لەوەر گولەی هەڕەمەکی لە بەغداد تۆمار کرد.
و دیاریکرد ک سەختیەیل زەخمداریەگان جووراجورن، بەشیگیان لە چەو و بەشیگیان پەلەگان بڕینە و ئەواکان سزانن لە لەش، و ئاماژە کرد ک فرەی زەخمدارەگان لە مناڵ وگەنج بوین
بەدر وتیش؛ وەزارەتەگە یەک مردن لە بەغداد تۆمار کرد، و ئاماژە کرد ک ئەیە ئامار سەرەتاییە و ئەگەر زیایبوین دیرێد.
