مردن هەفت کەس ک سەربازیش هاناویان وە رویداو هاتوچو لە ری موسڵ-بەغدا

شەفەق نیوز/ سەرچەوەیگ ئەمنی لە پارێزگای موسڵ، ئمڕوو سێشەممە، خەوەردا لە مردن هەفت کەس ک زیاتریان سەربازن وە رویداو لەیەکداین دوو ماشین لەبان ری موسڵ بەغداد.

سەرچەوەگە وە ئاژانس شەفەق نیوز وت، " رانندەی هەردگ ماشینەگە و پەنج سەرباز گیان لە دەسدانە وە رویداو لەیەکدان دوو ماشینەگە لەبان ری مابەین موسڵ بەغدا و دیارکریاگی نزیک ناحیەی قیارە، باشوور موسڵ".

سەرچەوەگە وتیش" تەرم سەربازەیلە ئەرا خەسخانەی ناحیەی قەیارە ئەرا بنکەی سەربازی ناحیەگە کلکریا ئەرا رادەسکردنیان وە کەسوکاریان، تەرم رانەندەیلەش ئەرا پزیشک یاسایی".