مردن مناڵ کوورپەیگ مووسڵ تیەرێدە لەرزە...پولیس لێکۆلینەوە لە رویداوەگە کەێد
2023-05-11T07:14:29+00:00
شەفەق نیوز/ دەزگایەیل راگەیانن و سەرچەوەیل ئەمنی، ئمڕوو پەنجشەممە، خەوەردا لە مردن دویەتیگ مناڵ کەمتر لە دوو مانگە، لەناو بارودۆخ نادیاریگ لە شار مووسڵ ناوەن پارێزگای نەینەوا.
سەرچەوەگە وە ئاژانس شەفەق نیوز وت، " پۆلیس نەینەوا لێکۆلینەوە لە رویداو مردن دویتە مناڵە دوو مانگەگە کردیە، وەپای وتەی باوگی لەمەوقەی خەو برا دوو ساڵانەگە پلیاسە بانی، بویەسە هووکار خنکیانی لەناو ماڵیان لە کویچەی رفاعی خوەرئاوای مووسڵ.
سەرچەوەگە وتیش، " دادگا بڕیار دەسگیرکردن باوگ مناڵەگە دەرکردیە، چەوەری ئەنجام پزیشک دادوەری کەێد، باوگە سێ دویەتتر دیرێد، بیجگە لەو دویەتە".
