مردن مناڵیگ و خوەیکوشتن گەنجیگ و دەسگیرکردن کەسیگ وە توومەت دزی لە بەغدا
لە بەیاننامەگەی ئمڕوو هاتیە، ئۆپراسیۆنەگە لە دویای ئەوە هاتیە ک دادکەرەگە داوای دەسمیەتی کردیە لە مەفرەزەی نویسینگەی باب ئەلشێخ دژە تاوانەیل ک تویش دزین بڕە پویلیگ هاتیە و وەدەوانچە هەڕەشە لەلی کریاس، و تیم کارکردن ئەرا وەدویاچگنی دروسکریاس.
لە بەیاننامەگە وتیش، لە دویای لێکۆڵینەوە و جەمەوکردن زانیاری رەسینەس وە توومەتبار و دەسگیری کردنە، لە لێدوان سەرەتایی دان وە تاوانەگەی نایە و دادوەر بڕیار دەسگیرکردنی دایە وەپای بڕگەیل مادەی 444 لە یاسای سزادان.
هەمیش، سەرچەوەیگ ئەمنی وەرپرس وە ئاژانس شەفەق نیوز وت، مناڵیگ گیان لەدەسدایە لەدویای ئەوەگ تویش رویداو تلیان تێد وەلایەن ماتۆریگ لە جویر (بەتحە) ک دوو کەس لەبانی بویە لە قەزای نەهرەوان، و ئەرا شوین نادیاریگ واینە.
لە رویداویگتر سەرچەوەگە وتیش، زانیاری وەپیمان رەسیە رویداویگ رویدایە لەناوچەی جادەی فەڵەستین خوەرهەڵات بەغدا هەنای رەسنە شوین رویداوەگە دەرچگە گەنجیگ رانندەی "توک توک" وە دەوانچە کوشیاگە.
وەپای سەرچەوەگە، لەدویای نووڕستن کامیرایەیل چەودێری نزیک رویداوەیل دەرچگە رویداوەگە لەخوەیکوشتن خاوەن توکتوکەگە وەگولە بویە.
