مردن مناڵیگ دویای کەفتنی وەناو جوو بویچگیگ لە دیالە
2024-06-18T10:10:30+00:00
شەفەق نیوز/ سەرچەوەیگ ناوخوەیی لە پارێزگای دیالە، ئمڕوو سێشەممە، خەوەردا لە خنکیان مناڵیگ مەوقەی سەردانکردن خیزانەگەی ئەرا ماڵ باپیری لە قەزای خاڵس باکوور پارێزگاگە.
سەرچەوەگە وە ئاژانس شەفەق نیوز راگەیان، " مناڵیگ لە داڵگبوی 2020 لە وەخت سەردان کردن ئەرا ماڵ باپیری وەگەرد خیزانەگەی گیان لەدەسدا وە مدوو کەفتنی وە ناو چەمیگ نزیک ماڵەگە و خنکیانی".
وتیش، "خیزانەگە تەرم مناڵەگە دراوردنە تەقەلای قورتارکردنی دانە و ئەرا خەسەخانە بردنەسێ باوجی وە مردگی رەسیە".
