مردن لەتیف نسەیف جاسم سەرکردەی ناودیار لە دارودەسەی سەدام
2021-08-30T10:03:32+00:00
شەفەق نیوز/ لە بەغداد پایتەخت عراق، ئمڕوو دووشەممە، راگەیان مردن لەتیف نسەیف جاسم سەرکردەی ناودیار لە رژیم سەدام حسێن، لە یەکیگ لە خەسەخانەیل بەغداد.
نزیکیگ لە بنەماڵەی شەفەق نیوز وت: لەتیف نسەیف جاسم، ئمڕوو، لە یەکیگ لە خەسەخانەیل بەغداد، لە دویای ململانەیگ وەگەرد بیماریەگە، لە تەمەن هەشتا ساڵان مرد.
لەتیف نسەیف جاسم، لە ساڵ ١٩٧٤ پۆست وەڕێۆبەر ئێزگە و تەلەفزیۆن بوی، و لە چەن پۆستیگ وەزارەتی بوی جوور کشتوکاڵی و رووشنهویری و راگەیانن، وهەمیش ئەندام ئەنجومەن سەرکردایەتی شۆڕشی بوی لە سەردەم بەعس.
