مردن قەساویگ لە مووسڵ وە تەو خوینوەربوین
2023-09-23T12:23:52+00:00
شەفەق نیوز/ ئیدارەی خەسەخانەی پزشکی ڤیتێرنەری لە پارێزگای نەینەوا، خەوەردا لە توومارکردن مردنیگ لە ئەنجام تویشهاتنی وە بیماری تەو خوینوەربوین لە شار مووسڵ.
عودەی عبادی وەڕیەوبەر خەسەخانەگە ئەرا ئاژانس شەفەق نیوز وت: قوربانیەگە قەساوە لە گەڕەک ١٧ تەمووز لەلای چەەمووسڵ کار کەێد.
تەو خوینوەربوین تەویگ ڤایرۆسیە هەمیشە لە ئاژەڵ دەێد لە ئایەم وە خوین پیس و گووشت، و هەرچەن ڤایرۆسەگە ئەگەر وە کوڵیان گووشت مرێد، وەلێ هاتێ وە خوین ئاژەڵ تویشهاتی باێد.
پسپۆڕەیل هوشداری دەن کە هاتێ لە کەسیگ ئەرا کەسیگتر بیماریەگە باێد، وەتایبەت لە پەیوەندیکردن سێکسی یا بێرگ یا ئەو شلەیل لەش.
نشانەیل بیماریەگە، تەو و شەکەتی و بیئازی و وڕبوین و ژان لەش و سوخان و ئەڵاوردن و زگچین.
نشانەیل رخبەر بیماریەگە کە هاتێ مەرگبار بوود، خوەینوەربوین لە ژیر پووسە یا لە ئەندامەیل ناو لەش یا لە دەم یا چەو و گووش.
