مردن سێ کەس مناڵیگ هاناویان وە رووداوەیلیگ لە زیقار
2021-02-19T12:00:30+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو جمعە، خەوەردا لە مردن سێ کەس مناڵیگ لە یەک ساڵان بویچکتر هاناویان، لە رووداوەیل جووراجوریگ لە ناوچەیلیگ لە پارێزگای زیقار.
سەرچەوەگە ئەرا ئاژانس شەفەق نیوز وت: ناحیەی تار لە باشوور ناوەند پارێزگاگە مردن دوێەتیگ ٢٥ ساڵان لەوەر تەقین تەنویر گازییگ وەخوەی دی.
وتیش؛ دوویەم مردنەگە ئەرا دوێەت مناڵیگ بوی تەمەنی لە یەک ساڵان رەد نەکردگە، لە قەزای چبایش لە باشوور پارێزگای زیقار، ئەوەیش لەوەر کەفتنی ئەرا ناو چاڵاو ماڵەگە.
سەرچەوەگە دیاری کرد ک سێیەم مردنەگە ئەرا گەنجیگ بیس ساڵان بوی، لەوەر لەیەکداین ماتۆڕسکڵەگەی وەیەکیگ تر لە قەزای غەراف لە باکوور شار ناسریە.
