مردن سێ بەنگلادیشی و عراقییگ وە هیزگردن ئاگر لەناو فڕنیگ لە خوەرهەڵات بەغداد
2023-08-16T07:58:20+00:00
شەفەق نیوز/ تیمەیل وەرگیری شارستانی، ئمڕوو چوارشەممە، چور تەرم دراوردن کە یەکیگیان پیاو وەتەمەن عراقییگە، وەگەرد سێ کراکار بەنگلادیشی و رویداو ئاگرەگەی ناو فڕن گەیارە کپەوکریا لە ناوچەی شار سەدر لە خوەرهەڵات بەغدا.
وەڕیەوبەرایەتی وەرگری شارستانی لە بەیاننامەیگ رەسیە ئاژانس شەفەق نیوز راگەیان، تیمەگەیان وە خێرایی ئاخڵەی ئاگرەگە دانە فڕنە سزیايەگە لە بینایەیل دەوروگەردی جیاکردنە و راستەوخۆ دەسکردنە وە کارەیل چگنە ناو ئەرا قورتارکردن قوربانیەیل کە وە گازەیل ژەهراوی ئاگرەگەو گیان لەدەسدانە، وەجویریگ تەرمەیل دەراوریانە و بریان ئەرا فەرمانگەی پزیشک دادوەری تا رێکارەیل یاسایی پەیڕەوبکریەد.
وەرگیری شارستانی داوای وازکردن لێکۆڵینەوە وپسپۆر بەڵگەناسی کردنە ئەرا دیاریکردن هووکار هیزگردن ئاگر لەناو فڕنەگە وەگەرد ئاگادارکردن بنکەی پۆلیس وەرپرس ناوچەگە ئەرا چەودێریکردن هوکار هیزگردن ئاگرەگە.
