مردن کراکاریگ بیناسازی لە کەرکوک لەوەر گەرمی سەخت
2024-07-29T15:25:18+00:00
شەفەق نیوز/ سەرچەوەیگ پزشکی لە پارێزگای کەرکوک، ئمڕوو دووشەممە، خەوەردا کە کراکاریگ بیناسازی لەدویای کەفتنی لە بان ماڵیگ کە کار لەناوی کردیاد، و دیاری کرد کە لەوەر بەرزەوبوین پلەی گەرمی کەفتیەسە خوارەو.
سەرچەوەگە ئەرا ئاژانس شەفەق نیوز وت: گەنجیگ وەناو ئەنەس خالید (22 ساڵان) خەڵک ئاوای ئەحنەف لە قەزای حەویجە، کار لەناو ماڵیگ کردیاد لە قەزاگە، و کار چەمنتوکردن روی بانین ماڵەگە کرد، و کەفتە خوارەو.
سەرچەوەگە وتیش: لە ئەنجام بەرزەوبوین پلەی گەرمی و کراکارەگە توانای نەمەن، لە بان خانگ ماڵەگە کەفتە خوارەو، و وەکوتپڕ گیانی لەدەسدا، دیاری کرد کە تەرمەگە ئەرا پزشک دادوەری بریا، و پولیس لێکۆڵینەوە لە رویداوەگە واز کرد.
