مردن خانەنشینیگ مەوقەی وەرگردن مووچە لە هەولێر و سزیان داڵگ و دویەتیگ لە بابل

شەفەق نیوز/ ئیدارەی بابل (قەڵا) لە پارێزگای هەولێر پایتەخت هەرێم کوردستان، ئمڕوو یەکشەممە، مردن خانەنشینیگ مەوقەی چگنی ئەرا بانکەگە ئەرا وەرگردن مووچەگەی راگەیان

شیرین رۆژبەیانی خانمە وەڕیەوبەر بانکەگە ئەرا ئاژانس شەفەق نیوز وت: خانەنشینەگە لە ساعەت ٥:٠٠ شەفەق مەوقەی هاتنی ئەرا بانکەگە ئەرا وەرگردن مووچە گیانی لەدەسدا، چوینکە وەرجە وازکردن دەر بانکەگە هاتیە.

وتیش: ئەو پیاوە ک مردیە بیماری دڵ داشتیە، و تەمەنی ٦٥ ساڵە، خەڵک هەولێرە.

هەرلیوا، ژنیگ وەگەرد دویەتەگەی تەمەن ١٦ ساڵان گیانیان لەدەسدان، لەناو ئاگریگ ک لەماڵیان لە ناوچەی رغێلە لە ناحیەی ئەبی غەرەق لە پارێزگای بابل هیز گرد.

سەرچەوەیگ ئەمنی لە پارێزگای بابل دیاری کرد ک ئاگرەگە لەوەر تەقیان بوتڵ گازیگ گوڵپە کردیە.